Erinarsorneq, qitinneq nipilersornerlu

Illoqarfiit tamarmik nunaqarfiillu arlallit najukkaminni tusarnaartitsisartunik erinarsoqatigeeqarput. Kalaallit erinarsoqatigiit kattuffiat akuttunngitsumik erinarsoqatigiissitsilluni katersuutsitsisarpoq Kalaallit Nunaat tamakkerlugu erinarsoqatigiit katersuuffigisaannik.

 

Illoqarfiit amerlanersaanni aamma qitittartoqarpoq. Qittasit amerlanertigut Europamiut qittaseraat arfannianit danskinillu nunasiaateqartunit Kalaallit Nunaannut eqqunneqartut.

 

Qilaatersorneq kalaallit qangarsuarli ileqqutoqaraat ukiuni kingullerni ineritikkiartortinneqaqqilersoq. Illoqarfinni arlalinni massakkut qilaatersortartoqarpoq.

 

Nipilersortartut amerlanerit pingaarnermik rockimik popimillu nipilersortartuupput. Kalaallit Nunaata inoqassusaanut naleqqiullugu nipilersortartorpassuaqarpoq nipilersornermik aallutaqartunik, amerlanertigut aningaasarsiutiginagu.

 

Nipilersukkanik saqqummersitsinerit

Atlantic Music aamma Sermit Records aqqutigalugit ukiumut cd-it arlaqaaluttut saqqummersinneqartarput. Kalaallit Nunaanni nuussiorfiit pisoqaanersaat ULO 2006-mi siaruarterisarnissamik Atlantic Music-imut isumaqatigiissuteqarpoq, tamatumunngalu atatillugu nuannarineqarnerpaat nutaanngitsut arlallit ULO-meersut saqqummersinneqaqqipput.

 

Atlantic Music cd-nik nutaanik amerlanerpaanik saqqummersitsisartuusoq Nuummi mikisumik immiussisarfiuteqarpoq Københavnimilu taamaattumik anginerusumik peqarluni.

Nipilersukkanik saqqummersitat pillugit paasissutissat erseqqinnerusut uani takukkit: http://atlanticmusic.gl